Pablo Arranz
O ciclo de cine Cinenterraza, que celebra a súa edición número 12, volve este mes de xullo ao Fórum Metropolitano cun repaso a grandes películas do xénero denominado ‘cult movies’ ou cinema de medianoite. «Desde o Goberno de Inés Rey promovemos iniciativas cinematográficas singulares ao longo de todo o ano para achegar á cidadanía grandes clásicos e filmes de moda, coa fin de facer máis doado o seu acceso a estas películas», indicou Gonzalo Castro, concelleiro de Cultura e Turismo.
O ciclo Cinenterraza permite gozar no Fórum Metropolitano de cine en versión orixinal e complementa unha oferta que se prolonga durante todo o ano con otras iniciativas municipais como o Documental do Mes ou Estreas en VO. As entradas para as oito sesións que se celebrarán neste mes de xullo, os mércores e os xoves con inicio ás 22.30 horas, xa están á venda a través de Ataquilla, a praza de Ourense ou o propio Fórum. O prezo, con carácter xeral, será de 3 euros, con desconto para persoas desempregadas, xubiladas ou usuarios de Carné Xove.
Cada sesión contará cunha persoa convidada e tras a proxección, que terá lugar no vestíbulo, haberá un coloquio aberto a todas as persoas asistentes. A selección das películas desta edición abrangue cinema de distintos períodos históricos cunha ampla variedade de xéneros e países.
Programación de Cinenterraza
2 de xullo de 2025
LA PASSION DE JEANNE D’ARC (La pasión de Juana de Arco), de Carl Theodor Dreyer
- Con María Falconetti e Eugene Silvain
- Francia, 1928
- 110 minutos – VOSE
- Non recomendada para menores 13 anos
- Invitada: Carmen Branco Sanjurjo
3 de xullo de 2025
LLE SILENCE DA MER (El silencio del mar), de Jean-Pierre Melville
- Con Howard Vernon, Jean-Marie Robain
- Francia, 1949
- 83 minutos – VOSE
- Apta para todos os públicos
- Convidado: Pablo Fontenla
9 de xullo de 2025
UNDER THE VOLCANO (Bajo el volcán), de John Huston
- Con Albert Finney e Jacqueline Bisset
- Estados Unidos, 1984
- 109 minutos – VOSE
- Non recomendada para menores 13 anos
- Convidado: Moncho Bargo
10 de xullo de 2025
OHAYO (Buenos días), de Yasujirö Ozu
- Con Chishu Ryu e Kujiko Miyake
- Xapón, 1959
- 94 minutos – VOSE
- Apta para todos os públicos
- Convidado: Juanillo Esteban
16 de xullo de 2025
SCARLET STREET (Perversidade), de Fritz Lang
- Con Edward G. Robinson e Joan Bennet
- Estados Unidos, 1945
- 97 minutos – VOSE
- Non recomendada para menores de 7 anos
- Invitada: Laura Seoane
17 de xullo de 2025
THE BROOD (Cromosoma 3), de David Cronenberg
- Con Oliver Reed e Samantha Eggar
- Canadá, 1979
- 92 minutos – VOSE
- Non recomendada para menores 16 anos
- Invitada: Matilde Rodríguez
23 de xullo de 2025
THE ADICTION, de Abel Ferrara
- Con Lili Taylor e Christopher Walken
- Estados Unidos, 1995
- 82 minutos – VOSE
- Non recomendada para menores de 18 anos
- Invitada: Cris Bal Boa
24 de xullo de 2025
SOMMAREN MED MONIKA (Un verano con Mónica), de Ingmar Bergman
- Con Hamet Andersson e Lars Ekborg
- Suecia, 1953
- 93 minutos – VOSE
- Non recomendada para menores de 7 años
- Invitada: Bea Lema
